نار حواليا لافه دواريمره تدفيني و ميت مره تلسعني
و اااااه يا وجعي
نار شفت فيها وشوش عارفها و عرفاني
شفت وش اهلي و حرماني
و شفت أصحابي و الغربة بعداني
وحبايب بعدهم قساني
شفت وشي و أنا مظلوم و أنا جاني !
وشفت سكينة بتدبحني علي الهادي
و شفت وشوش بتضحك و تقولي عادي عاادي
و وشوش تانيه بتبكي و بتقولي برده عاادي
النار قربت مني و لسعتني من تاني
فوقتني من أوهامي
و خلتني أبص من تاني
شفت ذكريات بعيدة مش راضية أنساها و لا تنساني
شفت دمع عيني و وجع قلبي و قلت أهي دنيا لهياني
شفت اللي وشوشهم بتضحكلي و قلوبهم كرهاني
و لفت النار وقربتلي من تاني
و خفت من لسعتها منا عارفها خيناني
و لما قربتلي أكتر قولت يمكن المره دي مدفياني
بصتلها و في عيني قلق يا تري المره دي وجعاني و لا مفرحاني
ناري دي دنيتي و في أخرتي بدور علي جنتي
يا رب أكتبهالي ,,
